Corona: देश म पिछिले 24 घंटा म होय हे 44 हजार ले जादा नवा मरीज के पहचान, पढो पूरा खबर

जय जोहार…. देश म पिछिले 24 घंटा म कोरोना (Corona) के 44 हजार ले जादा नवा मरीज ह सामने आय हे। उहचे इलाज के दौरान 524 लोगन मन के मौत हो गे हे।

केंद्रीय स्वास्थ्य मंत्रालय से जारी आंकड़ा के मुताबिक देश म बीते 24 घंटा म कोरोना (Corona) के 44489 नवा मामला मिले हे। एला मिला के देश म कोरोना संक्रमित मरीज मन के संख्या ह 92 लाख 66 हजार 706 पहुंच गे हे। जेमा ले 4 लाख 52 हजार 344 एक्टिव मामला हे।

उहचे 86 लाख 79 हजार 138 लोगन मन ह कोरोना (Corona) ल मात दे दे हे, जेखर बाद ओ मन ल अस्पताल ले डिस्चार्ज कर दे गे हे। ए वायरस ले देश म अब तक 1 लाख 35 हजार 223 लोगन मन के मौत हो चुके हे।