जय जोहार…. प्रदेस वासी मन ल कोरोना (corona) संक्रमण ले सुरक्षित रखे ल स्वास्थ्य विभाग डहार ले व्यापक पैमाना म टीकाकरण करे जावत हे। स्वास्थ्य मंत्री टी.एस. सिंहदेव के निर्देस म सबो पात्र मनखे मन ल कोरोना वैक्सीन के दुनो खुराक दे के लक्ष्य ल जल्दीच हासिल करे बर प्रदेस भर म तेजी ले टीकाकरण करे जावत हे।
कोरोना (corona) टीकाकरण के सुरुवात के बाद ले विगत सितम्बर माह में म प्रदेस म सबले जादा संख्या म टीका लगाय गेहे। पहली अउ दुसरइया खुराक ल मिलाके सितम्बर म कुल 45 लाख 33 हजार 321 टीका लगाय गेहे। कोरोना टीकाकरण के राज्य नोडल अधिकारी डॉ. प्रियंका शुक्ला ह बताइन कि प्रदेस म अब तक कोरोना ले बचाव बर एक करोड़ 90 लाख 19 हजार 170 टीका लगाय गेहे।
ए बछर 16 जनवरी ले राष्ट्रीय स्तर म कोरोना (corona) टीकाकरण के सुरुवात के बाद ले प्रदेस म जनवरी म 76 हजार 645, फरवरी म चार लाख 13 हजार 550, मार्च म 17 लाख 24 हजार 161, अप्रैल म 37 लाख 68 हजार 305, मई म 15 लाख 21 हजार 469, जून म 26 लाख पांच हजार 741, जुलाई म 23 लाख 12 हजार 873, अगस्त म 20 लाख 63 हजार 105 अउ सितम्बर म 45 लाख 33 हजार 321 टीका लगाय गेहे। प्रदेस म 53 लाख ले जादा मनखे मन ल कोरोना वैक्सीन के दुनो खुराक दे जा चुके हे।
