Corona: सरलघा बाढ़त जावत हे कोरोना संक्रमित, 24 घंटा म सामने आय हे 52 हजार ले जादा नवा मामला

जय जोहार…. देश म कोरोना (corona) संक्रमित मरीज मन के संख्या ह कम होय के नाम नई लेवत हे। देश म कोरोना संक्रमण के कुल मामला ह बाढ़ के 18.55 लाख ले जादा हो गे हे।

पिछिले 24 घंटा म 52 हजार से जादा नवा मामला दर्ज करे गे हे। ए दौरान 803 लोगन मन के मौत हो गे हे।

केंद्रीय स्वास्थ्य मंत्रालय ले जारी आंकड़ा के अनुसार देश म अब कोरोना (corona) संक्रमित मरीज मन के कुल संख्या ह 18 लाख 55 हजार 736 पहुंच गे हे। जेमा ले 5 लाख 86 हजार 298 एक्टिव मामला हे,

जेखर मन के अलग-अलग कोविड अस्पताल म इलाज चलत हे। उहचे 12 लाख 30 हजार 510 लोगन मन ह कोरोना (corona) ल मात दे दे हे, जेखर बाद ओ मन ल डिस्चार्ज कर दे गे हे। ए वायरस ले देश म अब तक 38938 लोगन मन के जान चले गे हे।