Corona: देश म बीते 24 घंटा म बाढ़ गे कोरोना के 53 हजार ले जादा नवा मरीज, पढ़व

जय जोहार…. देश म बीते 24 घंटा कोरोना (Corona) के 53 हजार ले जादा नवा मरीज के पहचान होय हे। उहचे 41280 मरीज मन ल बने होय के बाद अस्पताल ले छुट्‌टी दे दे गे हे। जबकि इलाज के दौरान 354 संक्रमित मन के मौत हो गे हे।

केंद्रीय स्वास्थ्य मंत्रालय ले जारी आकड़ा के मुताबिक देश म पिछिले 24 घंटा म कोरोना (Corona) के 53480 नवा मामला मिले हे, एला मिला के कोरोना संक्रमण के मामला ह 1 करोड़ 21 लाख 49 हजार 335 हो गे हे। जेमा ले 5 लाख 52 हजार 566 एक्टिव मामला हे।

उहचे 1 करोड़ 14 लाख 34 हजार 301 मरीज मन ह कोरोना (Corona) ले जंग जीत गे हे, जेखर बाद ओ मन ल अस्पताल ले छुट्‌टी दे दे गे हे। ए वायरस ले देश म अब तक 1 लाख 62 हजार 468 मरीज मन के मौत हो गे हे।