corona: सरलघा बाढ़त जावत हे कोरोना संक्रमण, देश म बीते 24 घंटा म बाढ़ीस 53 हजार ले जादा नवा मरीज

जय जोहार…. देश म कोरोना (corona) संक्रमित मरीज मन के संख्या ह कम होय के नाम नई लेवत हे।

देश म बीते 24 घंटा म कोरोना के 53 हजार ले जादा नवा मामला सामने आय हे। ए दौरान 871 लोगन मन के मौत हो गे हे।

केंद्रीय स्वास्थ्य मंत्रालय ले जारी आंकड़ा के अनुसार देश म पिछिले 24 घंटा म कोरोना (corona) के 53601 नवा मामला मिले हे।

एखर संग देश म कोरोना के कुल संक्रमित मरीज के संख्या ह 22 लाख 68 हजार 676 पहुंच गे हे। जेमा ले 6 लाख 39 हजार 929 एक्टिव मामला हे।

उहचे 15 लाख 83 हजार 490 लोगन मन ह कोरोना (corona) ल मात दे दे हे, जेखर बाद ओ मन ल अस्पताल ले डिस्चार्ज कर दे गे हे।

ए वायरस ले देश म अब तक 45257 लोगन मन के मौत हो गे हे।