corona: देश म बीते एक दिन म सामने आय हे कोरोना के 55 हजार नवा मरीज, 876 लोगन मन के हो गे मौत

जय जोहार…. देश म कोरोना (corona) संक्रमित मरीज मन के संख्या ह सरलघा बाढ़त जावत हे। देश म कोरोना संक्रमित मन के संख्या ह 27 लाख ले जादा हो गे हे।

बीते 24 घंटा म कोरोना के 55 हजार ले जादा नवा मामला दर्ज करे गे हे। ए दौरान 876 लोगन मन के मौत हो गे हे।

केंद्रीय स्वास्थ्य अउ परिवार कल्याण मंत्रालय ले जारी आंकड़ा के मुताबिक भारत म पिछिले एक दिन म कोरोना (corona) के 55079 नवा मरीज मिले हे। एखर संग देश म कोरोना मरीज मन के कुल संख्या ह 27 लाख 2 हजार 743 पहुंच गे हे।

जेमा ले 6 लाख 73 हजार 166 एक्टिव मामला हे, जेखर मन के देश के अलग-अलग कोविड अस्पताल म इलाज चलत हे। उहचे 19 लाख 77 हजार 780 मरीज मन ह कोरोना ल मात दे दे हे,

जेखर बाद ओ मन ल अस्पताल ले डिस्चार्ज कर दे गे हे। ए वायरस ले देश म अब तक 51797 लोगन मन के जान चले गे हे।