Corona: देश म सरलघा बाढ़त जावत हे कोरोना संक्रमित, 24 घंटा म सामने आय हे रिकार्ड 55 हजार ले जादा नवा मरीज

जय जोहार…. देश म कोरोना (corona) संक्रमित मरीज मन के संख्या ह कम होय के नाम नई लेवत हे। देश म पिछिले 24 घंटा म कोरोना के रिकार्ड 55 हजार ले जादा नवा मरीज मिले हे। ए दौरान 779 लोगन मन के मौत हो गे हे। जबकि 37223 लोगन मन ल बने होय के बाद डिस्चार्ज कर दे गे हे।
केन्द्रीय स्वास्थ्य मंत्रालय ले जारी आंकड़ा के मुताबिक देश म कोरोना (corona) मरीज मन के कुल संख्या 16 लाख 38 हजार 871 हो गे हे। जेमा ले 5 लाख 45 हजार 318 एक्टिव मामला हे। उहचे 10 लाख 57 हजार 806 लोगन मन ह कोरोना (corona) ल मात दे दे हे, जेखर बाद ओ मन ल अलग-अलग कोविड अस्पताल ले डिस्चार्ज कर दे गे हे। ए वायरस ले अब तक 35747 लोगन मन के मौत हो गे हे।