corona : देश म बीते 24 घंटा म कोरोना के 62 हजार ले जादा नवा मरीज, 1007 लोगन मन के हो गे मौत

जय जोहार…. भारत म कोरोना (corona) संक्रमित मरीज मन के संख्या ह सरलघा बाढ़त जावत हे। देश म पिछिले 24 घंटा म कोरोना के 62064 नवा मामला सामने आय हे। ए दौरान 1007 लोगन मन के मौत हो गे हे।
केन्द्रीय स्वास्थ्य मंत्रालय ले जारी आंकड़ा के मुताबिक देश म कोरोना (corona) संक्रमित मरीज मन के कुल संख्या ह 22 लाख 15 हजार 75 पहुंच गे हे। जेमा ले 6 लाख 34 हजार 945 एक्टिव मामला हे।
उहचे 15 लाख 35 हजार 744 लोगन मन ह कोरोना (corona) ल मात दे दे हे, जेखर बाद ओ मन ल अस्पताल ले डिस्चार्ज कर दे गे हे। ए वायरस ले देश म अब तक 44386 लोगन मन के मौत हो गे हे।