corona: देश म पिछिले 24 घंटा म होय हे 62 हजार ले जादा नवा मरीज के पहचान, पढ़व

जय जोहार…. (corona) देश म पिछिले 24 घंटा म कोरोना के 62 हजार ले जादा नवा मामला सामने आय हे। उहचे 28739 मरीज मन ल बने होय के बाद अस्पताल ले छुट्‌टी दे दे गे हे। जबकि इलाज के दौरान 312 मरीज मन के मौत हो गे हे।

केंद्रीय स्वास्थ्य मंत्रालय ले जारी आंकड़ा के अनुसार देश म बीते 24 घंटा म कोरोना (corona) के 62714 नवा मामला मिले हे। एला मिला के देश म कोरोना संक्रमित मन के संख्या ह 1 करोड़ 19 लाख 71 हजार 624 हो गे हे। जेमा ले 4 लाख 86 हजार 310 एक्टिव मामला हे।

उहचे 1 करोड़ 13 लाख 23 हजार 762 संक्रमित मन ह कोरोना (corona) ल मात दे दे हे, जेखर बाद ओ मन ल अस्पताल ले डिस्चार्ज कर दे गे हे। ए वायरस ले देश म अब तक 1 लाख 61 हजार 552 संक्रमित के मौत हो गे हे।