corona: देस म बीते 24 घंटा म मिले हे कोरोना के 65 हजार ले जादा नवा मरीज, पढ़व

जय जोहार…. देस म पिछले 24 घंटा म कोरोना (corona ) के 65 हजार ले जादा नवा मरीज सामने आय हे। उहें 1 लाख 67 हजार मरीज ल बने होय के बाद अस्पताल ले छुट्टी दे दे गेहे। जबकि उपचार के दउरान 1238 मरीज के मउत हो गेहे।

केंद्रीय स्वास्थ्य मंत्रालय डहार ले जारी आंकड़ा के मुताबिक देस म पिछले 24 घटा म कोरोना (corona ) के 65 हजार 158 नवा मामला मिले हे। एला मिलाके देस म कोरोना मरीज मन के संख्या ह 4 करोड़ 24 लाख ले जादा हो गेहे। जेमा ले 7 लाख 81 हजार ले जादा एक्टिव मामला हे।

उहें 4 करोड़ 11 लाख ले जादा मरीज ह कोरोना (corona ) ल मात दे दे हे, जेखर बाद ओ मन न अस्पताल ले डिस्चार्ज कर दे गेहे। ए वायरस ले देस म अब तक 5 लाख 06 हजार ले जादा के मउत हो गेहे।