Corona : देश म पिछिले 24 घंटा म होय हे 66732 नवा मामला के पहचान, 816 मरीज मन के हो गे मौत

जय जोहार…. देश म पिछिले 24 घंटा म कोरोना (Corona) के 66 हजार ले जादा नवा मामला के पहचान होय हे। जबकि इलाज के दौरान 816 लोगन मन के मौत हो गे हे।

केन्द्रीय स्वास्थ्य मंत्रालय ले जारी आंकड़ा के मुताबिक देश म बीते 24 घंटा म कोरोना (Corona) के 66732 नवा मामला दर्ज करे गे हे। एला मिला के देश म कोरोना संक्रमित मन के संख्या ह बाढ़ के 71 लाख 20 हजार 539 हो गे हे।

जेमा ले 8 लाख 61 हजार 853 एक्टिव मामला हे। 61 लाख 49 हजार 536 मरीज मन ह कोरोना (Corona) ले जंग जीत गे हे, जेखर बाद ओ मन ल अस्पताल ले डिस्चार्ज कर दे गे हे। ए वायरस ले देश म अब तक 109150 लोगन मन के मौत हो गे हे।