Corona: देश म बीते 24 घंटा म बाढ़ गे 75 हजार ले जादा नवा मरीज, पढ़ो पूरा खबर

जय जोहार…. देश म पिछिले 24 घंटा म कोरोना (Corona) के 75 हजार ले जादा नवा मामला दर्ज करे गे हे। उहचे 81655 मरीज मन ल बने होय के बाद अस्पताल ले छुट्टी दे दे गे हे। जबकि इलाज के दौरान 937 लोगन मन के मौत हो गे हे।
केंद्रीय स्वास्थ्य मंत्रालय ले जारी आंकड़ा के मुताबिक देश म बीते 24 घंटा म कोरोना के 75479 नवा मरीज मिले हे। एला मिला के देश म कोरोना (Corona) संक्रमित मन के संख्या ह 65 लाख 47 हजार 464 पहुंच गे हे।
(Corona) जेमा ले 9 लाख 37 हजार 942 एक्टिव मामला हे। उहचे 55 लाख 6 हजार 432 लोगन मन ह बने होय के बाद अपन घर लहुट चुके हे। ए वायरस ले देश म अब तक 101812 लोगन मन के मौत हो गे हे।