Corona: देश म सरलघा बाढ़त हे कोरोना, बीते 24 घंटा म बाढ़ गे 95 हजार ले जादा नवा मामला

जय जोहार…. देश म कोरोना (Corona) संक्रमित मन के संख्या ह सरलघा बाढ़त जावत हे। पिछिले 24 घंटा म कोरोना के 95 हजार ले जादा नवा मामला दर्ज करे गे हे। उहचे 1172 लोगन मन के मौत हो गे हे।

केंद्रीय स्वास्थ्य मंत्रालय ले जारी आंकड़ा के मुताबिक देश म कोरोना (Corona) संक्रमित मन के संख्या ह बाढ़ के 44 लाख 65 हजार 864 पहुंच गे हे। जेमा ले 9 लाख 19 हजार 18 एक्टिव मामला हे।

उहचे 34 लाख 71 हजार 784 लोगन मन ह कोरोना (Corona) ल मात दे दे हे, जेखर बाद ओ मन ल अस्पताल ले छुट्‌टी दे दे गे हे। ए वायरस ले देश म अब तक 75062 लोगन मन के मौत हो गे हे।