corona: देश म बीते 24 घंटा म बाढ़ गे 85 हजार ले जादा नवा मामला, 1089 लोगन मन के हो गे मौत

जय जोहार…. देश म कोरोना (corona) संक्रमित मरीज मन के संख्या ह तेजी ले बाढ़त जावत हे। देश म पिछिले 24 घंटा म कोरोना के 85 हजार ले जादा नवा मामला मिले हे। उहचे 1089 लोगन मन के मौत हो गे हे।
केंद्रीय स्वास्थ्य मंत्रालय ले जारी आंकड़ा के मुताबिक देश म बीते 24 घंटा म कोरोना (corona) के 85362 नवा मरीज के पहचान होय हे। एला मिला के देश म कोरोना संक्रमण के मामला ह बाढ़ के 59 लाख 03 हजार 933 पहुंच गे हे। जेमा ले 9 लाख 60 हजार 969 एक्टिव मामला हे।
उहचे 48 लाख 49 हजार 585 लोगन मन ह कोरोना (corona) ले जंग जीत गे हे, जेखर बाद ओ मन ल अस्पताल ले डिस्चार्ज कर दे गे हे। ए वायरस ले देश म अब तक 93379 लोगन मन के मौत हो गे हे।