Corona: देश म पिछिले 24 घंटा म होय हे 9 हजार ले जादा नवा मामला के पहचान, पढो पूरा खबर

जय जोहार…. (Corona) देश म पिछिले 24 घंटा म कोरोना के 9 हजार ले जादा नवा मामला ह सामने आय हे। जबकि इलाज के दौरान 117 मरीज मन के मौत हो गे हे।

केंद्रीय स्वास्थ्य मंत्रालय ले जारी आंकड़ा के मुताबिक देश म बीते 24 घंटा म कोरोना (Corona) के 9102 नवा मरीज मिले हे। एला मिला के देश म कोरोना संक्रमित मन के संख्या ह 1 करोड़ 6 लाख 76 हजार 838 हो गे हे। जेमा ले 1 लाख 77 हजार 266 एक्टिव मामला हे।

उहचे 1 करोड़ 03 लाख 45 हजार 985 लोगन मन ह कोरोना (Corona) ल मात दे दे हे। जेखर बाद ओ मन ल अस्पताल ले डिस्चार्ज कर दे गे हे। ए ‌वायरस ले देश म अब तक 1 लाख 53 हजार 587 लोगन मन के जान चले गे हे।