corona: देश म बीते 24 घंटा म सामने आय हे 94 हजार ले जादा नवा मरीज, 1114 लोगन मन के हो गे मौत

जय जोहार…. देश म कोरोना (corona) संक्रमित मन के संख्या ह कम होय के नाम नई लेवत हे। देश पिछिले 24 घंटा म 94 हजार ले जादा नवा मरीज सामने आय हे। जबकि 1114 लोगन मन के मौत हो गे हे।

केंद्रीय स्वास्थ्य मंत्रालय ले जारी आंकड़ा के मुताबिक देश म बीते 24 घंटा म कोरोना (corona) के 94372 नवा मामला मिले हे। एला मिला के कोरोना संक्रमित मन के कुल संख्या ह बाढ़ के 47 लाख 54 हजार 357 पहुंच गे हे। जेमा ले 9 लाख 73 हजार 175 एक्टिव मामला है।

उहचे 37 लाख 2 हजार 596 लोगन मन ह कोरोना (corona) ल मात दे दे हे, जेखर बाद ओ मन ल अस्पताल ले डिस्चार्ज कर दे गे हे। ए वायरस ले देश म अब तक 78586 लोगन मन के मौत हो गे हे।