जय जोहार…. कोरोना संक्रमण ले बचाव बर (chhattisgarh) प्रदेस के डेढ़ करोड़ ले जादा आबादी ल दूनों टीका लगाय जा चुके हे । उहें 18 बच्छर जादा के लगभग सबो पात्र मनखे मन ह कोरोना वैक्सीन के पहलइया टीका ल लगवा चुके हे । ए उमर वर्ग के एक करोड़ 95 लाख 89 हजार 893 मनखे मन ल कोरोनारोधी टीका के पहला खुराक दे जा चुके हे ।
राज्य म 15 ले 18 बच्छर के दस लाख 26 हजार 890 किसोर मन ल घलो एखर पहलइया टीका ल लगाय जा चुके हे। (chhattisgarh) ए उमर वर्ग के 63 प्रतिसत लईका मन ल पहलइया टीका लग गेहे। प्रदेस के दो लाख 88 हजार 583 स्वास्थ्यकर्मी, फ्रंटलाइन वर्कर और 60 बच्छर जादा के मनखे मन ल प्रिकॉसन डोज घलो लगाय जा चुके हे।
(chhattisgarh) राज्य म 18 बच्छर जादा के एक करोड़ 47 लाख 85 हजार 068 मनखे अउ 15 ले 18 बच्छर के दो लाख 21 हजार 982 किसोर मन ल कोरोना ले बचाव के दूनों टीका लगाय जा चुके हे। ये ए दूनों वर्ग बर निर्धारित टीकाकरण के लक्ष्य के 75 अउ 14 प्रतिसत हे। दूनों उमर वर्ग म पहलइया, दुसरइया अउ प्रिकॉसन डोज ल मिलाके प्रदेस भर म अब तक (6 फरवरी तक) कुल तीन करोड़ 59 लाख 12 हजार 416 टीका लगाय गेहे ।
