बिहनिया चार बजे ले निकल के कलेक्टर ले मिलिस आदिवासी छात्रा मन

दीपक बावनकर@रायपुर अइसे का दिक्कत आगे कि प्रयास आदिवासी विद्यालय के सैकड़ो छात्रा मन ल बिहनिया चार बजे ले जिलाधीश ले मिले बर बिलासपुर आना पडिस छात्रा मन ह बताइस कि हमर आदिवासी विद्यालय के प्रिंसिपल ह हमन ल प्रताड़ित करथे अऊ तो अऊ ओमन बताइस कि छात्रावास म पिए बर साफ़ पानी तको नई हे संगे संग खान पान के उचित व्यवस्था भी नई हे पूरा विद्यालय ह शिक्षक के कमी ले घलो जूझत हे

बता दन कि ये सब्बो छात्रा मन प्रयास आदिवासी विद्यालय के आये अऊ एखर मन संग 250 अइसे छात्रा मन हे जेन मन नक्सली प्रभावित हे ,जब छात्रा मन आवत रिहिस त पुलिस अऊ जिला प्रशासन के अधिकारी मन ओमन ल रोकत रिहिस लेकिन छात्रा मन के हिम्मत के आगे काखरो नई चलिस , सब्बो छत्रा मन कलेक्टर ले मिल के अपन समस्या रखिस त कलेक्टर ह तीन दिन के अन्दर एक्शन ले के बात किहिस .