स्कूल शिक्षा मंत्री ह कहिन – छत्तीसगढ़ म जियादातर स्कूल ह क्वारेंटाइन सेन्टर, सिलेबस म होही कटौती

जय जोहार…. स्कूल शिक्षा मंत्री प्रेमसाय सिंह टेकाम ह छत्तीसगढ़ म सिलेबस म कटौती के संकेत दे हे। मंत्री टेकाम ह कहिन कि वर्तमान शिक्षा सत्र ह आगू बढ़ही। जेखर सेति सत्र आगू बाढ़े ले पढ़ई ह प्रभावित होही। वो हा कहिन कि आन राज्य ले आय प्रवासी मजदूर मन ल क्वारेंटाइन सेन्टर म रखे गे हे।

जेन जियादातर स्कूल म ही बनाय गे हे। जब वे खाली होही, त ओला सैनिटाइज करे जाही। आन तैयारी ल घलो करे जाही। एखर सेति स्कूल खोले म विचार ल 30 जून के बाद बइठक अऊ समीक्षा कर निर्णय ले जाही। वो हा कहिन कि लईका मन के परिजन ले घलो ए विषय म चर्चा करे जाही। जब वे तैयार होही, तभी ए निर्णय ले जाही।