सांसद सुनील सोनी ह कोरोना रोकथाम सेंटर के करिन निरीक्षण, पुलिस जवान मन ल करिस फल अऊ मास्क वितरित
जय जोहार रायपुर…. भाजपा सांसद सुनील सोनी ह बुधवार के कोरोना वायरस के रोकथाम के प्रयास के जायजा लिस। ए दौरान सांसद ह सबो नागरिक मन ले कोरोना ले बचाव बर संयम अऊ अनुशासनपूर्वक अपन घर म रह के कोरोना संक्रमण के प्रभावी रोकथाम म सहयोग करे के अपील करिन।
भाजपा सासंद ह कोरोना रोकथाम म लगे डाक्टर्स, नर्सेस अऊ पुलिस प्रशासन समेत सबो विभाग के सेवाभावी अधिकारी अऊ कर्मचारी मन ले संपर्क अऊ संवाद करे के संगेसंग जरूरी दिशा-निर्देश घलो देवत हे। इही कड़ी म बुधवार के सांसद सुनील सोनी ह पुराना बस स्टैंड स्तित मल्टीप्लेक्स पार्किंग म पहुंच के कोरोना रोकथाम सेंटर के निरीक्षण करिन।
ए अवसर म सांसद ह सेवा अऊ सुरक्षा कार्य म लगे अधिकारी अऊ कर्मचारी के अलावा भोजन पैकेट तैयार करत कार्यकर्ता मन ले चर्चा करिन अऊ विस्तृत जानकारी लिस। ए दौरान सांसद ह पुलिस के जवान मन ल फल अऊ मास्क वितरित करिस।
