राज्यसभा सांसद रामविचार नेताम ह मुख्यमंत्री भूपेश बघेल ल लिखिन पत्र, करिन ये आग्रह

जय जोहार…. राज्यसभा सांसद रामविचार नेताम ह मुख्यमंत्री भूपेश बघेल ल पत्र लिखे हे। एमा लॉकडाउन के दौरान तमिलनाडु के वेल्लूर जिला म फंसे छत्तीसगढ़ के मजदूर मन ल वापस लाय बर आग्रह करे हे।

सांसद नेताम ह पत्र म लिखे हे कोरोना वायरस सेति देश के अलग-अलग राज्य म छत्तीसगढ़ के मजदूर मन ह फंसे हे। तमिलनाडु के वेल्लूर जिला म छत्तीसगढ़ के बलरामपुर-रामानुजगंज के 27 मजदूर ह फंसे हे। सांसद नेताम ह पत्र म फंसे मजदूर मन के नाम समेत सूची ल घलो संलग्न करे हे। संगेसंग मजदूर मन के छत्तीसगढ़ वापसी अऊ वापसी तक ओखर तमिलनाडु के वर्तमान निवास म राशन सामग्री अऊ अन्य मूलभूत सुविधा ल उपलब्ध कराय के आग्रह करे हे।