सांसद रामविचार नेताम ह विदेश मंत्री जयशंकर ल लिखिन पत्र, छत्तीसगढ़ के 500 छात्र मन ल किर्गिस्तान ले लाय बर करिन अनुरोध
जय जोहार…. राज्यसभा सांसद रामविचार नेताम ह विदेश मंत्री एस जयशंकर ल पत्र लिखे हे। ए पत्र म किर्गिस्तान म फंसे 500 मेडिकल छात्र मन ल वापस लाय बर अनुरोध करे हे। सांसद ह पत्र के संग छात्र मन के सूची घलो केंद्रीय मंत्री ल उपलब्ध कराय हे।
नेताम ह अपन पत्र म लिखे हे कि ए सब्बो छात्र ह अलग-अलग मेडिकल कालेज म अध्ययन बर किर्गिस्तान गे रहिस, लेकिन कोरोना सेति कई महिना ले फंसे हुये हे। वे सब्बो छात्र ह भारत वापस आय ल चाहत हे। एखर सेति ओ मन ल जल्द भारत वापस लाय बर संबंधित ल निर्देशित करे।
गौरतलब हे कि राज्यसभा सांसद रामविचार नेताम ह सरलघा पत्र के संगेसंग मौखिक चर्चा कर आन देश म फंसे लोगन मन के समस्या ल केंद्र सरकार के संबंधित मंत्री तक पहुंचावत हे।
