Chhattisgarh: राज्यसभा सांसद फूलोदेवी नेताम ह केंद्रीय मंत्री धर्मेंद्र प्रधान ल लिखे हे पत्र, करिन ये आग्रह

जय जोहार…. (chhattisgarh) राज्यसभा सांसद फूलोदेवी नेताम ह केंद्रीय इस्पात मंत्री धर्मेंद्र प्रधान ल चिट्ठी लिखे हे। एमा राज्यसभा सांसद नेताम ह नगरनार स्टील प्लांट के निजीकरण के विरोध करे हे।

(chhattisgarh) पत्र म आग्रह करे हे कि ए प्लांट ले आदिवासी युवा मन ल बड़का उम्मीद हे। निजीकरण करे जाए के खबर ले ओला बड़का धक्का लगे हे। एखर सती एला सार्वजनिक क्षेत्र रहान दे।

राज्यसभा सांसद फूलोदेवी नेताम ह पत्र म लिखे हे कि भारत सरकार के इस्पात मंत्रालय के अधीन नवरत्न सार्वजनिक क्षेत्र के उद्यम एनएमडीसी लिमिटेड के तरफ ले 20 हजार करोड़ रुपया ले जादा के लागत म (chhattisgarh) बस्तर म नगरनार स्टील प्लांट लगाए जावत हे। अभी ये प्रोजेक्ट ह पुरा नई होए हे, लेकिन केंद्र सरकार ह बस्तर के ए स्टील प्लांट के निजीकरण करे के निर्णय कर ले हे।