chhattisgarh : सांसद राहुल गांधी ह 3 फरवरी के करही ‘राजीव गांधी ग्रामीण भूमिहीन कृषि मजदूर न्याय योजना’ के सुभारंभ, 3 लाख 55 हजार हितग्राही ल मिलही पहला क़िस्त के रकम

जय जोहार…. (chhattisgarh ) छत्तीसगढ़ म ‘राजीव गांधी ग्रामीण भूमिहीन कृषि मजदूर न्याय योजना’ के अवइया 3 फरवरी के सुरुवात होवइया हे। ए योजना के सुभारंभ ल सांसद राहुल गांधी ह राजधानी रईपुर के साईंस कॉलेज मैदान म करही ।

राज्य सरकार डहार ले सुरु करे जावत ए योजना के तहत ग्रामीण भूमिहीन कृषि मजदूर परिवार ल हरेक बच्छर 6 हजार रुपिया के आर्थिक मदद दे जाही। (chhattisgarh ) एखर बर राज्य के अनुपूरक बजट म 200 करोड़ रुपिया के प्रावधान करे गेहे । कारीकरम म सांसद राहुल गांधी ह योजना बर पात्र 3 लाख 55 हजार भूमिहीन कृषक मजदूर मन ल डीबीटी के माध्यम ले सीधा ओखर बैंक खाता म रासि ल अंतरण करही ।

गौरतलब हे कि छत्तीसगढ़ के आबादी म 70 फीसदी आबादी ह कृषि काम ले जुड़े हे। (chhattisgarh ) खेती-किसानी के काम म काफी संख्या म कृषि मजदूर मन ह जुड़े होत हे । एमा ले कई अइसे कृषि मजदूर हे, जेखर करा स्वयं के कृषि भूमि नई हे अउ दूसर के कृषि भूमि म श्रमिक के तौर म काम कर परिवार के भरण-पोषण करत हे ।

प्रदेस के मुख्यमंत्री भूपेश बघेल ह इहीं भूमिहीन कृषि मजदूर मन के समस्या ल समझीन अउ ओमन ल आर्थिक संबल दे बर ‘राजीव गांधी ग्रामीण भूमिहीन कृषि मजदूर न्याय योजना’ लागू करे के घोसना करीन। योजना बर 1 सितंबर 2021 ले 30 नवम्बर 2021 तक भूमिहीन कृषि मजदूरों के पंजीयन करे गीस ।