रायपुर। छत्तीसगढ़ माध्यमिक सिक्छा मंडल ह बोरड परीक्छा मन के परिणाम ल घोषित कर दिस। छत्तीसगढ़ म पहि ली बार मासिमं दसवीं अउ बारहवीं बोरड परीक्छा के नतीजा मन ल एक संघरा घोषित करे गेहे। इसकूल सिक्छा मंत्री केदार कस्यप ह परिणाम मन के घोषणा करिस हे।
बलौदाबाजार के सिव कुमार पानडे ह 98.40 फीसदी अंक के संग 12वीं म टॉप करिस। बिलासपुर के संध्या कौसिक 97.40 फीसदी अंक के संग दूसर अउ 97.20 फीसदी अंक के संग दुर्ग के सुभम गंधरव अउ भिलाई के सुभम गुपता तीसर स्थान म रहिस हे।
10वीं बोरड परीक्षा म जसपुर के यज्ञेस चउहान 98.33 फीसदी अंक के संग अव्वल रहिस हे। 98 फीसदी अंक के संग दुर्ग के मानसी मिसरा अउ 97.67 फीसदी अंक के संग बिलासपुर के अनुराग दूबे ह तीसरा स्थान हासिल करिस।
बालिका मन ह 10वीं बोरड के परीक्छा म बाजी मारीस। कक्षा 10वीं के परिणाम 68.04 फीसदी हवय। 12वीं बोरड के परीक्छा म घलो बालिका मन ह बाजी मारीस। कच्छा 12 वीं के परिणाम 77 फीसदी हवय।
