Raipur : मुख्यमंत्री वृक्ष सम्पदा योजना म सबो वर्ग के इच्छुक भूमि स्वामी होही पात्र

जय जोहार । (Raipur ) मुख्यमंत्री भूपेश बघेल ह राज्य म वृक्ष के व्यावसायिक उपयोग ल बढ़ावा दे के अपार संभावना ल देखत हुए ‘‘मुख्यमंत्री वृक्ष संपदा योजना’’ ल लागू करे के घोसना करे हे । ए योजना के तहत कृषक के आय ल बढ़ाय के उद्देश्य ले कृषक के सहमति म ओखर भूमि म वाणिज्यिक वृक्षारोपण करे जाना हे । मुख्यमंत्री वृक्ष सम्पदा योजना के क्रियान्वयन के तैयारी म वन विभाग जुट गेहे ।

गौरतलब हे कि मुख्यमंत्री वृक्ष संपदा योजना के अंतर्गत सबो वर्ग के इच्छुक भूमि स्वामी पात्र होही । एखर आलावा सासकीय, अर्धसासकीय अउ सासन के स्वायत्व संस्थान जेन अपन स्वयं के भूमि म रोपण करना चाहत हे, पात्र होही । अइसने निजी शिक्षण संस्था, निजी ट्रस्ट, गैर सासकीय संस्था, पंचायत, भूमि अनुबंध धारक, जेन अपन भूमि म रोपण करना चाहत हे , वे पात्र होही ।

ए योजनां के अंतर्गत राज्य सासन डहार ले 5 एकड़ तक वृक्षारोपण बर 100 प्रतिशत अनुदान अउ 5 एकड़ ले जादा क्षेत्र म वृक्षारोपण बर 50 प्रतिशत वित्तीय अनुदान देही । योजना के अंतर्गत मुख्य रूप ले 5 वृक्ष प्रजाति के खेती बर कृषक ल विशेष रूप ले प्रोत्साहित करे जावत हे। एमा टिशू कल्चर बांस, क्लोनल नीलगिरी, मिलिया डूबिया, टिशू कल्चर सागौन अउ सफेद चंदन सामिल हे ।