बालोद जिला के गुंडरदेही म खुल गे मल्टीट्रेक ऑडियो स्टूडियो… कविता वासनिक ,सुनील सोनी अऊ महादेव हिरवानी गाए हे गाना

दीपक बावनकर@रायपुर  मुंबई ,उड़ीसा अऊ रायपुर म जईसे रिकॉर्डिंग होथे वइसने स्तर  के रिकॉर्डिंग होथे रागदीप स्टूडियो म, ये स्टूडियो ह खुले हे बालोद  जिला के गुंडरदेही म,इन्हा मल्टीट्रेक रिकॉर्डिंग के व्यवस्था हे अऊ इन्हा छत्तीसगढ़ी फिल्म इंडस्ट्रीज के बड़े बड़े गायक मन आके अपन वाइस दे चुके हे अऊ सब्बो मन गुंडरदेहीं म ये स्टूडियो खुले ले ख़ुशी व्यक्त करे हे

गायक सुनील सोनी ,कविता वासनिक ,उत्तम तिवारी ,ज्योति कश्यप अऊ महादेव हिरवानी ह घलो अपन शुभकामना दे हे , गाना के रिकॉर्डिंग बर पहिली भटके ल लागे कहूं ज्यादा पैसा त कहूं बुकिंग के कारण स्टूडियो मिले नई ते परेशानी ले अब मुक्ति मिल गे , गुंडरदेहीं म ये स्टूडियो खुले ले नवा नवा गायक, गायिका मन ल प्लेटफार्म मिले के उम्मीद हे