कोरोना: बाहर ले लहुटे वाला म नजर रखे ल गांव म कराए जाही मुनादी, मितानिन मन ह करही सावधान
जय जोहार रायपुर…. छत्तीसगढ़ म कोरोना वायरस संक्रमण के नियंत्रण अऊ रोकथाम बर स्वास्थ्य विभाग के तरफ ले सबो आवश्यक कदम उठाए जात हे। स्वास्थ्य विभाग के सचिव निहारिका बारिक सिंह के अध्यक्षता म आज स्टेट कमांड एंड कंट्रोल सेंटर के बइठक होइस। एमा एयरपोर्ट म यात्री मन के स्क्रीनिंग, अस्पताल मन म जांच, उपचार अऊ क्वारेंटाइन सेंटर म सबो व्यवस्था के समीक्षा करे गिस।
बइठक म कोरोना वायरस के संक्रमण ल रोके बर भारत सरकार अऊ राज्य सरकार के तरफ ले जारी दिशा-निर्देश अऊ एडवाइजरी के प्रभावी पालन सुनिश्चित करे के संबंध म अधिकारी मन ल आवश्यक दिशा निर्देश दे गिस। ए अवसर म सबो जिला के नोडल अधिकारी मन ल हाल म विेदेश प्रवास ले लहुटे लोग मन के जांच करा के आवश्यकतानुसार होम आइसोलेशन या क्वारेंटाइन सेंटर म रखे के निर्देश दिए गिस।
बाहर ले लहुटे वाला म नजर रखे ल अऊ ए बारे म लोग मन जागरूक करे ल कोटवार मन के माध्यम ले सबो गांव म मुनादी करवाए जाही। बाहर ले लहुटे वाला ल मितानिन मन के जरिए जरूरी सतर्कता अऊ सावधानी के बारे म बताए जाही।
