पत्नी ह साजिश रच के करवा दिस नेवी इंजीनियर पति के हत्या

रायपुर। राजधानी रायपुर ले एक बड़ी खबर आघू आए हे। इहां के गुढ़ियारी थाना इलाका के बम्लेश्वरी नगर म पत्नी ह साजिश रचके अपन पति के हत्या करवा दिस। ये मामला म पुलिस ह इंजीनियर के पत्नी समेत दू युवक लहिरासत म लेके पूछताछ करत हे।

गुढ़ियारी थाना क्षेत्र के बम्लेश्वरी नगर म घर में एक इंजीनियर के खून ल लथपथ शव मिलिस हे,  मृतक के नाम विश्वनाथ हरे, जेन ह नेवी म इंजीनियर रहीस। मृतक ह पत्नी अउ बेटी के संग इहां रहत रहीस हे।

इंजीनियर के पत्नी केवी लता ह अपन पुरुष मित्र लवकुश शुक्ला अउ ओखर सहयोगी अवनीश यादव के संग मिलके पति के हत्या करवा दिस। जानकारी ये भी आवत हे कि पत्नी ह सुपारी देके पति के हत्या करवाय हे।