गरियाबंद अउ छुरा नगर पंचायत ह एक सप्ताह बर हो गे बन्द, पढो पूरा खबर

जय जोहार…. नगर पंचायत गरियाबन्द अउ नगर पंचायत छुरा ल पूरा तरह कन्टेनमेंट जोन घोसित करे के बाद आज ले एक अगस्त तक ए निकाय ल एक सप्ताह बर पूरा तरह ले बन्द कर दे गे हे।

ए दौरान दुनो नगर पंचायत म आवश्यक सेवा ल छोड़ के सबो सेवा ल बन्द रही। कलेक्टर छतर सिंह डेहरे, तहसीलदार राकेश साहू, नगर पालिका सीएमओ संध्या वर्मा समेत आन प्रशासनिक अधिकारी मन ह आज गरियाबन्द नगरीय क्षेत्र के भ्रमण कर जायजा लिस।

कलेक्टर ह बाजार चौक, तिरंगा चौक अउ रद्दा म वस्तुस्थिति के जायजा ल लिस। वो हा लोगन मन ले अपील करिन कि एक सप्ताह के दौरान अनावश्यक घर ले बाहर न निकले अउ घर म ही रहे।

वो हा दुकानदार मन ले अपील करिन कि निर्धारित अवधि बिहिनिया छह बजे तक 10 बजे तक ह आवश्यक सेवा के पूर्ति करे। कलेक्टर ह वार्ड नंबर -03 के कंटेनमेंट जोन के घलो अवलोकन करिन।

कलेक्टर के निर्देश म नगर पंचायत छुरा म अपर कलेक्टर जेआर चौरसिया अउ अनुविभागीय अधिकारी निर्भय साहू ह भ्रमण करिस। छुरा नगरीय क्षेत्र म अधिकारी मन ह चौक चौराहा, गली और सड़क में घूम के स्थिति के जायजा लिस अउ लोगन मन ल समझाइश दिस।