काली बड़का भ्रष्टाचार के खुलासा करइया हे ननकी राम

रायपुर। आज जे वक्त मुख्यमंत्री भूपेश बघेल अपन कैबिनेट के बइठक लेत रहिन, ओ बेरा म उंखर ले मिले बर राज्य के पूर्व गृहमंत्री ननकीराम कंवर पहुंचिन. कैबिनेट मीटिंग म व्यस्त हो ए के कारन सीएम बघेल ले उंखर मुलाकात नइ हो पाइस. उहां ले निकले के बाद पूर्व गृहमंत्री ह कहिन, उमन मुख्यमंत्री ले कुछु जरूरी बात करना चाहत रहे हव,  लेकिन नइ कर सकेव.

उहें पत्रकार मन ले उमन ए साफ-साफ कहिन के, मुलाकात होइस हे, लेकिन काम के
बात आज नइ हो पाइस, उमन व्यस्त हवय. उमन कहिन, काली बिहनिया के बेरा  म मिले बर कहे हे.  आघू कहिन,  मै हमेसा ले भ्रष्टाचार के खेलाफ लड़त हव. मोर आघू एक बड़का मामला आइस हे. हालांकि उमन ए साफ नइ करिन कि उमन कउन मामला म मुख्यमंत्री ले बात करइया है. पर एखर ले एक बात तो साफ हे कि उमन काली कोनो बड़का भ्रष्टाचार के खुलासा करइया है.

सियासी गलियारा म फइलीस  सनसनी

पूर्व गृहमंत्री ननकीराम कंवर के मुख्यमंत्री ले मुलाकात ल लेके सियासी
गलियारा म सनसनी फइल गेहे. अइसे म लोग तरह-तरह के चर्चा करत हे.
अइसे म देखना तो इहीं होही कि आखिर उमन कउन मामला के खुलासा करइया हे.
एखर बर फिलहाल लोगन मन काली के इंतजार करत हे.