धमतरी। स्वास्थ्य मंत्री अजय चंद्राकर ह 102 अउ 108 के संचालन ल लेके बड़ घोसना करिन हे। स्वास्थ्य मंत्री ह कहिन के अब 102 अउ 108 के संचालन दूसर कंपनी ल सउपे जाही। येखर पहिली जीवीके कम्पनी ह येला संचालित करत रहिन हे। बता दन के 102 अउ 108 ल लेके करमचारी पाछू के सात दिन ले हड़ताल म हे। जेखर ले स्वास्थ्य सेवा बाधित होवत हे। अब येला नवा कंपनी के जुम्मे दिये जाही।
कांग्रेस ल अजय चंद्राकर के निरनय पसंद नइ आइस। अउ उमन ह येखर विरोध करिन हे। कांग्रेस के जिला अध्यक्ष लेखराम साहू ह कहिन के हड़ताली मन के मांग जायज हे अउ हम उंखर समरथन करत हन। उमन के कहिना हे के मांग मन पूरा नइ होय समेत 108,102 के सेवा ल नवा हाथ मन म सउपे ल लेके कांग्रेस प्रदेस स्तर म विरोध करही।
