जगदलपुर। सड़क हादसा म नारायणपुर विधायक के बेटी घायल हो गिस। विधायक के बेटी अपन एक महिला मित्र के संग स्कूटी म सवार हो के स्कूल जात रहिस हे। वाहन के नियंत्रण बिगड़े ले ए हादसा होइस हे, घायल ल उपचार बर मेडिकल कॉलेज जगदलपुर म भर्ती करय गिस हे।
ए घटना कोडेनार थाना क्षेत्र के ग्राम रायकोट के तीर होय हो। स्मृति कश्यप, जे धरमपुरा म निवास करथे अउ किलेपाल शासकीय स्कूल म शिक्षाकर्मी वर्ग 1 म पदस्थ हे। रोजाना के तरह मंगलवार के अपन एक महिला मित्र के संग स्कूटी म सवार होके स्कूल जात रहिस हे। । तभे अचानक रायकोट के तीर वाहन के नियंत्रन बिगड़े ले गिर पड़िस। ए घटना म दूसर महिला ल जिहां हल्का-फुल्का खरोंच आइस, उहें नारायणपुर के कांग्रेसी विधायक चंदन कश्यप के बेटी के पेर म गंभीर चोट आए हे।
घटना के जानकारी लगत ही घायल मन ल मेडिकल कॉलेज लाय गिस। जिहां चिकित्सक मन ह बताइन के, स्मृति के पेर फइक्चर हो गेहे। घटना के जानकारी लगत ही परिजन मन के संग बड़ संख्या म कांग्रेसी मन के अस्पताल म आना सुरू हो गेहे।
Other Articles
Next
January 30, 2019
फिरोज सिद्दीकी ले पूछताछ सुरू….पूछे जात हे दर्जन भर सवाल
Previews
January 30, 2019
खास खबर……बदलत हे माओवादी मन के सुर……भूपेश ल मदद बर लिखे हे खत
No Comment! Be the first one.