chhattisgarh म होही स्काउट के नेसनल जम्बूरी : भूपेश बघेल

जय जोहार। स्काउट के नेसनल जम्बूरी छत्तीसगढ़ म घलो होही । शनिवार के जिला स्काउट संघ के रैली म स्काउट ल संबोधित करत हुए मुख्यमंत्री ह ये घोसना करीन । मुख्यमंत्री ह किहीन कि स्काउट आंदोलन ब्रिटेन म सुरु होइन । एखर उद्देश्य ह मित्रता भाव अउ सेवा हे । भारतीय संस्कृति घलो वसुधैव कुटुम्बकम के विचार म हे और दूनों विचार एक जइसे भातृत्व अउ सेवा के विचार हे।

ए मउका म संघ के राज्य मुख्य आयुक्त अउ संसदीय सचिव विनोद सेवनलाल चंद्राकर घलो मौजूद रिहीन । वोहा अपन संबोधन म राज्य स्काउट्स के मुख्य संरक्षक अउ मुख्यमंत्री भूपेश बघेल के प्रति आभार व्यक्त करीन । वोहा किहीन कि मुख्यमंत्री के निर्देस म कोरोना काल म स्काउट्स ह सेवा के भरपूर काम करीन ।

ए अवसर म संघ के जिला अध्यक्ष अविनाश चंद्राकर, पिछड़ा वर्ग आयोग के उपाध्यक्ष आर एन वर्मा, पाटन नगर पंचायत अध्यक्ष भूपेंद्र कश्यप, जिला पंचायत उपाध्यक्ष अशोक साहू, जनपद अध्यक्ष रामबाई सिन्हा, लक्ष्मण चंद्राकर, कलेक्टर पुष्पेन्द्र कुमार मीणा अउ एसपी डॉ अभिषेक पल्लव मौजूद रिहीन ।