जय जोहार…. (Raipur) आईआईटी अउ मेडिकल संस्थान म प्रवेस के प्रतियोगी परीक्षा के तैयारी बर अब प्रदेस के छात्र-छात्रा मन ल राज्य के बाहर जाय के जरूरत नई पड़ही। राजधानी रईपुर म राष्ट्रीय स्तर के कोचिंग के सुविधा हो गेहे। स्कूल सिक्षा मंत्री डॉ. प्रेमसाय सिंह टेकाम ह जिन-एडू संस्थान डहार ले संचालित आईआईटी-मेडिकल जोन (कोचिंग सेंटर) के आज सिविल लाइन म सुभारंभ करीन।
स्कूल सिक्षा मंत्री डॉ. टेकाम ह रईपुर (Raipur) म राष्ट्रीय स्तर के कोचिंग सुरु होय म सबो ल बधाई अउ सुभकामना दीन हे। वो हा किहीन कि छत्तीसगढ़ म पहिली घांव आईआईटी-मेडिकल जोन डहार ले विद्यार्थी मन के प्रतियोगी परीक्षा के तैयारी बर डिजिटल क्लासरूम के माध्यम ले कमती खर्च म कोचिंग उपलब्ध होही। वो हा किहीन कि मेडिकल अउ इंजीनियरिंग इंट्रेन्स एक्जाम के कोचिंग देवइया देस के एक्सपर्ट टीचर ह लइका मन ल कोचिंग देही।
सुभारंभ अवसर म महापौर रईपुर (Raipur) एजाज ढेबर, रेरा के अध्यक्ष विवेक ढांड, कोचिंग सेंटर के संचालक प्रशांत शर्मा, गगन वोरा, प्रमोद सिंह राणा, हिमांशु शर्मा समेत विद्यार्थी घलो उपस्थित रिहीन।
