chhattisgarh म काली आयोजित होही नेशनल लोक अदालत, पढ़ो पूरा खबर

जय जोहार…. (chhattisgarh) छत्तीसगढ़ हाईकोर्ट म काली ए साल के दूसर नेशनल लोक अदालत ह भौतिक उपस्थिति के संग आयोजित करे गे हे। ए लोक अदालत म सुनवाई बर दो बेंच बनाए गे हे।

पहिला बैंच म जस्टिस गौतम भादुड़ी अऊ लोक अदालत के सदस्य अधिवक्ता सचिन सिंह राजपूत, दूसर बैंच म जस्टिस रजनी दुबे अऊ अधिवक्ता संदीप दुबे ह बइठही।

छत्तीसगढ़ (chhattisgarh) राज्य विधिक सेवा प्राधिकरण के मुख्य संरक्षक चीफ जस्टिस पीआर रामचंद्र मेनन अऊ कार्यपालक अध्यक्ष जस्टिस प्रशांत कुमार मिश्र के निर्देश म ये आयोजन करे जावत हे।

(chhattisgarh) राज्य विधिक सेवा प्राधिकरण के सदस्य सचिव सिद्धार्थ अग्रवाल ह बताइस कि पक्षकार अफन सुविधा ले वर्चुअल अथवा भौतिक उपस्थिति दे के मामला के निराकरण बर राजीनाम कर सकत हे।