चुनाई के पहिली ले दंतेवाड़ा म नक्सली हमला, एक जवान शहीद, 5 घायल

जगदलपुर. लोकसभा चुनाव 2019 के पहिली छत्तीसगढ़ के दंतेवाड़ा म सोमवार के नक्सली मन ह हिंसा के घटना ल अंजाम देय हे. नक्सली मन ह कोंडा सावली-कमल पोस्ट के बीच सुरक्षा बल के जवान मन उपर हमला कर उहां ब्लास्ट करिस हे. घटना म एक जवान शहीद हो गिस हे. अउ 6 जवान मन के घायल हो गे.

शहीद जवान के नाम शशिकांत तिवारी बताय जात हे. दूनों तरफ ले फायरिंग होइस हे. मउका म अतिरिक्त पुलिस बल रवाना करे गिस हे. सीआरपीएफ 231 बटालियन के जवान सर्चिंग बर निकले रहिन हे. इहीं दउरान अरनपुर थाना क्षेत्र म एम्बुश लगा के बइठे नक्सली मन ह हमला कर दिस.

घायल जवान मन ह बेहतर इलाज बर रायपुर भेज देय गे हे. मिले जानकारी म घायल जवान मन के नाम प्रवीण कुमार, सुमीत कुमार, एम हरिकृष्ण, जितेन्द्र तोमर, मुनु कृष्णन, पांडव कुमार हे. बता दें कि लोकसभा चुनाव के पहिली चरन म 11 अप्रैल के बस्तर सीट म चुनाव होना हे. इहीं लोकसभा क्षेत्र म आज नक्सली मन ह घटना के अंजाम देय हे. अपन घोर प्रभाव वाले जगरगुंडा म नक्सली मन ह जवान मन ह हमला करिन हे.

एंटी नक्सल ऑपरेशन के डीआईजी सुंदराज पी ह बताइन के, सीआरपीएफ के जवान मन के संग मुठभेड़ होइस हे. उहां नक्सली मन ह सर्चिंग म निकले जवान मन ल निशाना बनाय हे. हमर जवान मन ह घलो नक्सली मन ह मुंहतोड़ जवाब देय हे. घटना स्थल ले विस्तृत जानकारी के इंतजार हे. डीआरजी व अन्य सुरक्षा बल के जवान मन ल घलो घटना स्थल बर बैकअप बर भेज देय गे हे. घायल जवान मन के बेहतर इलाज बर इंतजाम करे जात हे.