नक्सली मुठभेड़ : एक जवान शहीद, मुख्यमंत्री विष्णुदेव साय जताइन शोक

नारायणपुर: अबूझमाड़ के जंगल म काली बड़ रात म सुरक्षाबल अउ नक्सली मन के बीच मुठभेड़ चलिन। जेमा 4 जिला के पुलिस जॉइंट ऑपरेशन करत रहिन। बताए गिस कि, दुनों तरफ ले रुक-रुक के फायरिंग होइन। जेमा जवान मन चार नक्सली मन ल ढेर करिन।

उहें एक जवान घलो ए मुठभेड़ म शहीद हो गिन। जेला लेके मुख्यमंत्री विष्णुदेव साय ह शोक जतावत कहिन कि- मुड़भेंड़ म DRG के जवान, प्रधान आरक्षक सन्नू कारम के शहीद होए के दुखद खबर मिलिन. उखर बलिदान व्यर्थ नई जाए, नक्सलवाद के खिलाफ सुरक्षाबल के जवान बड़ मजबुती ले लड़ाई लड़त हे अउ नक्सलवाद के खात्मा तक ए लड़ाई जारी रही।ईश्वर शहीद जवान के आत्मा ल शांति अउ शोक संतप्त परिजन मन ल संबल प्रदान करय।