पुलिस-नक्सली मुठभेड़ म दू नक्सली ढेर, ग्रेनेड लांचर बरामद

सुकमा। कोंटा इलाका के जंगल म आज बिहनिया 7 बजे डीआरजी जवान अउ नक्सली मन के बीच मुठभेड़ होईस हे। मुठभेड़ म दू नक्सली ल ढेर करे म जवान मन ल सफलता मिलिस हे। घटना के पुष्टि एसपी शलभ सिन्हा ह करिन हे।

सुकमा जिला के कोंटा इलाका म नक्सलियों के मौजूदगी के सूचना पुलिस ल मिले रहीस। जेखर बाद डीआरजी के जवान मन के एक टीम रवाना करे गिन। सर्चिंग के दउरान नक्सली मन जवानों ऊपर अंधाधुंध फायरिंग शुरू कर दिस त जवान मन ह घलो मोर्चा संभालत जवाबी कार्रवाई करिन हे।  दूनों ओर ले आधा घंटा तक गोलीबारी चलत रहीस। तांहन जवान मन ल भारी पड़त देख के नक्सली मन मौका ले भाग गे। घटनास्थल के सर्चिंग करे म जवान मन ल दू झन नक्सली के शव अउ हथियार, ग्रेनेड लांचर अउ अन्य नक्सल सामग्री मिले हे।