कम नई होवत हे नक्सली मन के बऊखलाहट, वजह जानव

कांकेर : बस्तर म शांति के संदेश दे बर निकाले साइकिल यात्रा अपन मंजिल तक पहुंच चुके हे, लेकिन नक्सली मन के मन म एला ले के बऊखलाहट कम नइ होइस हे, लिहाजा नक्सली मन एक बेर फेर पर्चे फेंक के ए शांति यात्रा के विरोध करिन हे.

नक्सली मन ह भानुप्रतापपुर-पखांजुर मार्ग म प्रिंटेड पर्चा फेंकीन हे, जेखर बाद दुर्गु कोंदल पुलिस ह सूचना के बाद मऊका बर रवाना हो गिस हे. नक्सली मन ह पर्चा म बस्तर ले शांति साइकिल यात्रा के विरोध करत हुए शांति बर जनयुद्ध अउ जनसंघर्ष ल तेज करे जइसे बात मन ल लिखे हे. बस्तर से निकले साइकिल यात्रा के नक्सली मन शुरू ले ही विरोध करत हवय. अउ यात्रा ले लेके धमकी घलो देय रहिन.

नक्सली मन के धमकी के बाद घलो बड़ संख्या म बस्तर के अंदरूनी इलाका मन के युवा ए यात्रा म शामिल होइन. लेकिन बस्तर म शांति ल लेके लोगन मन के एकजुट होए ले नक्सली मन ल अपन अस्तित्व म खतरा मंडरात नजर आवत हे. जेखर सेती नक्सली लगातार पर्चा फेंक के अपन विरोध जतात हे. नक्सली मन ह कोड़े गांव के तीर पर्चा फेंके हवय. जेला पुलिस ह जब्त करिस हे. संगेच इलाका म सर्चिंग घलो बढ़ाए हे.