सुकमा….नक्सली मन ह अपन मवजूदगी दरज कराए बर एक बड़ घटना ल अंजाम दिन

सुकमा। जिला म एक बार फेर नक्सली मन ह अपन  मवजूदगी दरज कराए बर एक बड़ घटना ल अंजाम देय हे।  दू मिक्सर मशीन म नक्सली मन ह आगजनी करिन हे। बताय जात हे के,  ए गाड़ी मन सड़क निर्माण के कार्य म लगे रहिस हे। आग के वजह ले दूनों गाड़ी  जलके खाक हो गस हे। एखर संगेच नक्सली मन ह  31 जनवरी के बंद के घलो ऐलान करिन हे।  नक्सली मन के ए करतूत ले इलाका म दहशत के माहउल हे।

फुलपगड़ी थाना क्षेत्र म नक्सली मन ह ए घटना ल अंजाम देय हे।  मिले जानकारी ममुताबिक निलावाराम इलाका म सड़क निर्माण के कार्य करे जात हे। हालांकि नक्सली मन के बंद के एलान के बाद सड़क निर्माण के कार्य रोक देय गे रहिस हे। बावजूद एखर नक्सली मन ह  गाड़ी म आगी लगाइस हे।