नक्सली मन जनअदालत लगा के 2 युवक ल उतारिस मउत के घाट, मुखबिरी के शक

सुकमा। जिला म नक्सली मन ह जन अदालत लगाके दू झन युवक ल मउत के घाट उतार दिस। दू दिन पहिली ये युवक मन ल नक्सली ह मुखबिरी के शक म घर ले उठा के ले गे रिहिस। वारदात के बाद इलाका म दशहत हे। ये घटना ह जिला मुख्यालय ले करीब 100 किमी दूर डब्बाकोंटा इलाका के हरे।

जानकारी के मुताबिक नक्सली मन ह दू दिन पहिली मड़कम रोहित अउ माड़वी लच्छा ल घर ले उठाके ले गे रिहिस। नक्सली मन ह जन अदालत लगाके दूनों युवक के हत्या कर दिस, उंखर बाद युवक के शव ल दफनाईस हे। संगे-संग उंखर परिवार के सदस्य मन ल थाना मत जाहू कहिके धमकी घलोक दे हे। ये घटना के पुष्टि एसपी शलभ सिन्हा ह करिन हे।