दंतेवाड़ा: नक्सली मन ह  SI समेत एक शिक्षक ल सुरक्षित छोड़िस

सोमवार के दूनों झन ल करे रहिन हे अगवा

दंतेवाड़ा: नक्सली मन ह सोमवार के एसआई समेत एक शिक्षक ल अगवा कर लेय रहिन हे. . जेला  मंगलवार के सुरक्षित रिहा करा  लेय  गिस हे.  नक्सली मन ह  उमन ल सशर्त छोड़ दिस हे.

सोमवार के एसआई ललित कुमार अउ शिक्षक  जय सिंह कुरेटी ल नक्सली मन ह अगवा कर लेय रहिन हे.  दूनों झन जबेली गांव म कोनो काम  ले गे रहिन हे.

ए मामला म एसपी अभिषेक पल्लब के रननीति सफल होइस हे. अउ नक्सली मन ह दूनों  ल सुरक्षित छोड़ दिस हे.  उहें हत्या के खबर अफवाह निकलीस हे. बताए जात हे कि एसआई ल नउकरी छोड़े के शर्त में रिहा करे गेहे.  उहें शिक्षक ल पुलिस के संग घूमे ल मना करे गे हे..   एसपी अभिषेक पल्लव ने एखर  पुष्टि करिन हे.