NCP: मरवाही म नई लडही एनसीपी ह चुनाव, पार्टी के नीलकंठ त्रिपाठी ह किहीस नोबेल वर्मा ह कर ले हे कांग्रेस ले सांठगांठ

जय जोहार…. राष्ट्रवादी कांग्रेस पार्टी (NCP) के वरिष्ठ नेता नीलकंठ त्रिपाठी ह अपन पार्टी के प्रदेश अध्यक्ष नोबल वर्मा के उपर कांग्रेस के संग सांठगांठ के आरोप लगइस। एनसीपी (NCP) नेता त्रिपाठी ह कहिन कि मरवाही विधानसभा उपचुनाव म हमन अपन उम्मीदवार उतारे के पूरा तैयार कर चुके रहेन।

जेमा गुलाब सिंह कंवर ल प्रत्याशी के रूप म मैदान म उतारे गे रिहिन, लेकिन नामांकन दाखिल हो जाय के बाद प्रदेश अध्यक्ष नोबल वर्मा ह बी फॉर्म दे ले मना कर दिस। तब दिल्ली के नेतृत्वकर्ता ले संपर्क कर बी फॉर्म एयर पोस्ट ले मंगाए गिस, लेकिन प्रदेश अध्यक्ष ह बी फॉर्म म हस्ताक्षर करे ले मना कर दिस। 

(NCP) वो हा कहिन कि ए घटना के शिकायत दिल्ली हाईकमान, राष्ट्रीय अध्यक्ष शरद पवार, प्रफुल्ल पटेल ले करे गे हे। राष्ट्रीय हाईकमान ह ए घटना ल संज्ञान म लेवत हुये कार्यवाही करही।