NCP ह मरवाही म देखाही दम, दंतेवाड़ा उपचुनाव के बाद ये सीट होही पार्टी बर महत्वपूर्ण : नीलकंठ त्रिपाठी
जय जोहार…. राष्ट्रवादी कांग्रेस पार्टी (NCP) छत्तीसगढ़ ह मरवाही उपचुनाव ल एनसीपी के नेता नीलकंठ त्रिपाठी के नेतृत्व में लड़ही। एनसीपी के प्रदेश अध्यक्ष नोबेल वर्मा ह नीलकंठ त्रिपाठी ह मरवाही उपचुनाव ल संचालित करे के जिम्मा ल नीलकंठ त्रिपाठी ल सौंपे हे।
वो हा (NCP) प्रदेश अध्यक्ष नोबेल वर्मा के सहमति ले मरवाही उपचुनाव बर पांच पदाधिकारी मन के संग टीम बनाए हे, जेमा पर्यवेक्षक संजय चौहान, राहुल राज पाण्डेय, सोनू गोस्वामी अऊ रितेश शुक्ला ल नियुक्त करे हे। अजीम भाई ल विशेष सलाहकार मनोनीत करे गे हे। लॉकडाउन के बाद उपचुनाव समिति ह मरवाही विधानसभा के दौरा करही।
बता दन कि एखर पहिले दंतेवाडा उपचुनाव म घलो नीलकंठ त्रिपाठी ल चुनाव प्रभारी बनाए गे रिहिस। ओखर नेतृत्व म दंतेवाड़ा म पहिली बार चुनाव मैदान म प्रत्याशी उतारे गे रिहिस, जेखर परिणाम एनसीपी (NCP) ल अच्छा मिलिस। दंतेवाड़ा उपचुनवा के परिणाम ल देखत हुए एनसीपी के प्रदेश अध्यक्ष नोबेल वर्मा ह नीलकंठ त्रिपाठी ल मरवाही उपचुनाव के कार्य सौंपे हे।
