कुपोषित बच्चा मन बर फेर शुरू होइस एनआरसी सेंटर

जय जोहार…. कोरोना वायरस कोविड 19 महामारी संक्रमण के दौरान पूरा देश म तीसर चरण के लॉकडाउन हे। अईसे समय म अतिकुपोषित बच्चा मन ल इलाज के आवश्यकता ल देखत हुये कुपोषित अऊ एनीमिक बच्चा मन बर एनआरसी सेंटर, न्यूट्रीशन रिहैब्लीटेशन सेंटर या पोषण पुनर्वास केंद्र ले पुन: इलाज के सुविधा ल मुहैय्या कराये जात हे। लॉकडाउन म थोड़ी ढील ह प्रशासन ले मिले के बाद कालीबाड़ी अस्पताल म उक्त सेंटर ल पुन: शुरू करे गे हे। हालांकि आवगमन के साधन ह उपलब्ध नई होये ले सेंटर म अभी एक बच्ची ही पहुंचे हे, जेखर इलाज जारी हे।

एखर पूर्व लॉकडाउन के ए घड़ी म कालीबाड़ी एनआरसी सेंटर के विशेषज्ञ मन के तरफ ले फोन के माध्यम ले कुपोषित बच्चा मन ल आवश्यक चिकित्सकीय परामर्श प्रदान करे जात रहिस। संगेसंग वजन के जांच बर घलो अन्य माध्यम के सहारा लेके ओखर निगरानी ल रखे जात रही। महामारी संक्रमण काल के पूर्व पोषण पुनर्वास केंद्र म 9 बच्चा मन के इलाज होत रहिस, जे मन ल लॉकडाउन के वजह ले घर भेज दे गे रहिस।