कवर्धा। जिला के बैगा जनजाति ल राष्ट्रपति के दत्तक पुत्र के उपाधि मिले हे, फेर अतक बड़े तमगा के बाद घलो पंडरिया ब्लॉक के 30 बैगा परिवार मन के रासन कार्ड नइ बने हे। जेकर ले एमन ल महंगा दाम म बाजार ले रासन लेहे बर पड़त हे। ये परिवार ह रासन कार्ड बर पंचायत, जनपद अऊ संबंधित बिभाग के चक्कर काटत हे। फेर समस्या के गंभीर होए ले जम्मो जिला मुख्यालय पहुंचिन। अऊ दफ्तर म जमा होइन, एकर ले अधिकारी अपन गलती मानिस। अऊ बताइस कि जनपद कर्मी ये परिवार मन के आधार कार्ड अऊ पासबुक के फोटो कॉपी जमा करे म कोताही बरते के कारन ओमन के रासन कार्ड नइ बन पाइस हे। अब अधिकारी बैगा परिवार के रासन कार्ड बनाए के बात करत हे।
