” ट्रांसफारमर के खुला दरवाजा अगोरत हे दुरघटना ल “

नवनीत शुक्ला, मुंगेली। बिजली बिभाग ला कुछु बड़ घटना घटे के अगोरा हे । काबर के ट्रांसफार्मर के खुला दरवाजा ये ही बात ल बतात हे ।
सहर म ज्यादा तर ट्रांसफार्मर के दरवाजा खुलला देखे बर मिलथे । बहुत जगह के तार मन तक एइसन ही खुल्ला छोड़ देथे विभाग ह काम करे के बाद। पिछले साल एहि कारन ले 1 महिला के जान दाऊ पारा म सुबह फूल तोड़त समय बिजली के नगा तार के चपेट म आये के कारन चल दिस ।
सी सी टीवी कैमरा के कनेक्शन चउक म लगना रहिस । जहाँ मेरे डिवाइडर म लोहा के रेलिंग लगे होय के कारन नंगा तार म ले करेंट रेलिंग म आ गिस । अउ दुर्घटना होइस ।
एखर कोन जवाबदार हे । नगर अउ आस पास के पंचायत क्षेत्र म ट्रांसफार्मर के दरवाजा खुला रहना या बिना ढक्कन के ग्रिप रहना सामान्य बात हे । कुछ महीना पहिली ट्रांसफार्मर के निचे नंगा तार म आग तक लग गए रहिस पर कोई नुकसान नई होइस । ये तव किस्मत के बात रहिस ।जानकारी मिले के बाद बिभाग ह तुरते हरकत म आ के दुर्घटना ल रोक दिस ।कोई बड़े घटना न होवय एखर बर बिभाग ल सचेत होय के जरूरत हे ।