नक्सल प्रभावित जिला म बिछही रद्दा के जाल, 316 रद्दा अऊ पुल बर स्वीकृत होइस 1637 करोड़ रूपिया- मंत्री ताम्रध्वज साहू
जय जोहार…. राज्य के नक्सल प्रभावित आठ जिला म सुदूर अंचल ल रद्दा ले जोड़े बर रोड कनेक्टिविटी योजना के तहत पिछले तीन वित्तीय वर्ष म 2478 किलोमीटर लम्बाई के 291 रद्दा अऊ 25 पुल बर 1637 करोड़ रूपिया के स्वीकृति मिले हे। लोक निर्माण मंत्री ताम्रध्वज साहू ह बताइस कि राज्य के आठ नक्सल प्रभावित जिला कांकेर, कोण्डागांव, नारायणपुर, बस्तर, सुकमा, दंतेवाड़ा, बीजापुर अऊ राजनांदगांव म केन्द्र प्रवर्तित योजना रोड कनेक्टिविटी प्लान इन लेफ्ट विंग एक्स्ट्रेमिस्ट के तहत ग्रामीण विकास मंत्रालय भारत सरकार के तरफ ले आर्थिक सहायता ल दे गे हे।
ए योजना म भारत सरकार के 60 फीसद अऊ राज्य सरकार के 40 फीसद भागीदारी हे। एखर तहत प्रथम चरण म वर्ष 2017-18 म 63 कार्य कुल लम्बाई 735 किलोमीटर बर 658 करोड़ रूपिया के स्वीकृति प्राप्त होइस। सब्बो कार्य बर कार्य आदेश ह जारी हो गे हे अऊ अब तक 303 किलोमीटर लम्बी रद्दा ह पूरा हो गे हे।
लोक निर्माण मंत्री ताम्रध्वज साहू ह बताइस कि द्वितीय चरण म 34 कार्य कुल लम्बाई 503 किलोमीटर बर 341 करोड़ के स्वीकृति मिले हे। एमा ले 29 कार्य बर निविदा स्वीकृत हो गे हे। शेष पांच कार्य बर निविदा ह प्रक्रिया म हे। ए योजना के तहत वर्ष 2019-20 म 1240 किलोमीटर लम्बाई के 219 सड़क बर 638 करोड़ स्वीकृत करे गे हे। एमा ले 11 कार्य बर निविदा स्वीकृत हो गे हे।
