corona : छत्तीसगढ़ म एक ही दिन म मिलिस 42 नवा कोरोना संक्रमित मरीज, एक्टिव केस ह बाढ़ के पहुंचिस 150

जय जोहार…. छत्तीसगढ़ म सरलघा कोरोना (corona) संक्रमित मरीज मन के संख्या ह बाढ़त जात हे। सनिच्चर के कोरोना (corona) के 42 नवा मरीज सामने आय हे। प्रदेश म अब सक्रिय मरीज मन के संख्या ह बाढ़ के 150 हो गे हे।

स्वास्थ्य विभाग ह ट्वीट कर बताइस कि आज 42 नवा कोरोना (corona) संक्रमित मरीज के पहचान करे गे हे। जेमा राजनांदगांव ले 10, मुंगेली ले 9, बिलासपुर ले 8, कोरिया अऊ रायगढ़ ले चार-चार, सरगुजा ले तीन, गौरेला-पेंड्रा-मरवाही ले 2, बलौदाबाजार अऊ जशपुर ले एक-एक मरीज मिले हे। ऊहचे बालोद जिला के 2 मरीज ह डिस्चार्ज होय हे। प्रदेश म अब कुल एक्टिव मरीज मन के संख्या ह 150 हे।